Отправлено: 16.05.11 09:29. Заголовок: Святитель СПИРИДОН

Молитва первая

О великий и пречудный святителю Христов и чудотворче Спиридоне, Керкирская похвало, всея вселенныя светильниче пресветлый, теплый к Богу молитвенниче и всем к тебе прибегающим и с верою молящимся скоропредстательный заступниче! Ты веру православную на Никейстем Соборе посреде отцев преславно изъяснил еси, ты Единство Святыя Троицы чудесною силою показал еси и еретиков до конца посрамил еси. Услыши нас, грешных, святителю Христов, молящихся тебе и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы. Ты бо во временней жизни своей от всех сих бедствий избавлял еси людей твоих: от нашествия агарян и от глада страну твою сохранил еси, царя от неисцельнаго недуга избавил и многия грешники к покаянию привел еси, мертвых преславно воскрешал еси, за святость жития твоего Ангелы, невидимо в церкви поющия и сослужащия тебе, имел еси. Сице убо прослави тебе, вернаго Своего раба, Владыко Христос, яко вся тайная человеческая деяния дарова тебе разумети и обличати неправедно живущия. Многим, в скудости и недостаточестве живущим, ты усердно помогал еси, люди убогия изобильно во время глада напитал еси и ина многа знамения силою в тебе живущаго Духа Божия сотворил еси. Сице и нас не остави, святителю Христов, поминай нас, чад своих, у Престола Вседержитея и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя, и блаженства вечнаго в будущем веце сподобит нас, да выну возсылаем славу и благодарение Отцу и Сыну и Духу Святому, ныне и присно и во веки веков.

 Отправлено: 16.05.11 09:31. Заголовок: За добродетельную ж..

За добродетельную жизнь святой Спиридон из простых земледельцев был поставлен в епископы, но и в этом звании вел ту же простую жизнь, нередко работая на полях. На 1 Вселенском Соборе защищал православную веру от еретиков. Св. Спиридон стяжал дар чудотворений, показав наглядное доказательство единства Божества во Святой Троице: взял в руки кирпич и сжал его, мгновенно вышел из него огонь, вода потекла вниз, а глина осталась в руках чудотворца. ”Cе три стихии, а плинфа (кирпич) одна, так и Пресвятой Троице - Три Лица, а Божество Едино”. На св. Спиридоне почивала столь великая благодать и милость Божия, что по его молитвам шел дождь, останавливались водные стихии, воскресали мертвые, выздоравливали больные, изгонялись бесы.
Св. Спиридон почитается ”равноапостольным” и по силе чудотворения подобным пророку Илии. Преставился святитель около 348 года. Мощи его покоятся в церкви его имени на острове Корфу. Св. Спиридону молятся о даровании урожая и о помощи при голоде, он спас одного бедняка от голода, обратив жабу в слиток золота.

Молитва св.Спиридону Тримифунтскому,чудотворцу:
О, преблаженне святителю Спиридоне, великий угодниче Христов и преславный чудотворче! Предстоя на небеси Престолу Божию, с лики ангелов, призри милостивым оком на предстоящия зде люди и просящия сильныя твоея помощи.
Умоли благосердие человеколюбца Бога, да не осудит нас по беззаконием нашим, но да сотворит с нами по милости Своей. Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая даруемая нам от щедрого Бога, но во славу Его и в прославление твоего заступления.
Избави всех, верою несомненною к Богу приходящих, от всяких бед и душевных и телесных, от всех томлений и диавольских наветов. Буди печальным утешитель, недугующим врач, в напастях помощник, нагим покровитель, вдовицам заступник, сирым защитник, младенцам питатель, старым укрепитель, странствующим путевождь, плавающим кормчий, и исходатайствуй всем крепкия помощи твоея требующим, вся ко спасению полезная, яко да твоими молитвами наставляеми и соблюдаеми, достигнем вечнаго покоя и купно с тобою прославим Бога, в Троице Святей славимаго Отца и Сына и Святого Духа, ныне и присно и во веки веков. Аминь.

 Отправлено: 16.05.11 09:33. Заголовок: http://www.spyridon-..

 Отправлено: 16.05.11 09:41. Заголовок: Иконы святителя Спир..

Иконы святителя Спиридона:http://www.spyridon-trimifuntsky.narod.ru/ikoni_glavn.html

 Отправлено: 16.05.11 09:42. Заголовок: Молитва вторая О вс..

Молитва вторая

О всеблаженный святителю Спиридоне, великий угодниче Христов и преславный чудотворче! Предстояй на Небеси Престолу Божию с лики Ангел, призри милостивым оком на предстоящия зде люди и просящии сильныя твоей помощи. Умоли благоутробие Человеколюбца Бога, да не осудит нас по беззакониим нашим, но да сотворит и с нами по милости Своей! Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и прославление твоего заступления! Избави всех верою несумненною к Богу приходящих от всяких бед душевных и телесных, от всех томлений и диавольских наветов! Буди печальным утешитель, недугующим врачь, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий и исходатайствуй всем крепкие помощи твоея требующим вся, яже ко спасению, полезная! Яко да, твоими молитвами наставляеми и соблюдаеми, достигнем в вечный покой и купно с тобой прославим Бога, в Троице Святей славимаго, Отца и Сына и Святаго Духа, ныне и присно и во веки веков. Аминь.


Молитва третья

О преблаженне святителю Спиридоне! Умоли благосердие Человеколюбца Бога, да не осудит нас по беззаконием нашим, но да сотворит с нами по милости Своей. Испроси нам, рабам Божиим (имена), у Христа и Бога нашего мирное и безмятежное житие, здравие душевное и телесное. Избави нас от всяких бед душевных и телесных, от всех томлений и диавольских наветов. Поминай нас у престола Вседержителя и умоли Господа, да подаст многих наших грехов прощение, безбедное и мирное житие, да дарует нам, кончины же живота непостыдныя и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно и во веки веков.



Тропарь святителю Спиридону , епископу Тримифунтскому

Собора Перваго показался еси поборник и чудотворец, / Богоносе Спиридоне , отче наш. / Темже мертву ты во гробе возгласив, / и змию в злато претворил еси, / и внегда пети тебе святыя молитвы / Ангелы, сослужащия тебе, имел еси, священнейший. / Слава Давшему тебе крепость, / слава Венчавшему тя, / слава Действующему тобою всем исцеления.